“Орчлон” сургууль Монгол Улсын боловсролын стандартын дагуу ерөнхий боловсролыг олгохын зэрэгцээ гадаад хэлийг чанартай эзэмшүүлнэ гэсэн хос зорилго тавьж тэдгээрийн тэнцвэртэй уялдаа холбоо, хослолыг ханган бэхжүүлж ирсэн билээ.

   Өнөөдөр Монголдоо Орчлон сургууль нь хос хэлний сургалттай, сурагчид нь ерөнхий боловсролын хос үнэмлэхтэй төгсөх загвар сургууль болж нийт сурагчдын монгол хэл, математик, байгаль шинжлэл, англи хэл, хятад хэлний мэдлэг чадвар өндөр байна. Энэхүү дэвшилтэт хөтөлбөрийг зорьж хэрэгжүүлж ирсний үр дүнд Орчлон сургууль 2008 онд Кембрижийн олон улсын төвийн эрхтэй сургууль болж сурагчдаа Монголын болон Олон улсын дунд боловсролын үнэмлэхтэй төгсгөж байна.